شه‌فه‌ق نيوز/ ئه‌نداميگ كورد جه‌خت له‌وه كرد ك په‌رله‌مان عراقى رۆڵ بياشتود له يه‌كلاكردنه‌وه‌ى ناكووكيه‌يل وه‌ل به‌غداو گه‌شبينى خوه‌يشى ده‌رخست له‌وه‌ر ره‌سين ئه‌را چاره‌سه‌ريگ نزيك له‌باره‌ى چه‌ن دوسيه‌يگ.
له‌و باوه‌ته‌و، بێستون زه‌نگه‌نه ئه‌ندام ئه‌نجومه‌ن نوێنه‌ره‌يل له‌بان يه‌كێتى نيشتمانى كوردستان، ئه‌را ئه‌لعه‌ره‌بى ئه‌لجديد وت: هه‌وڵيگ جددى هه‌س له‌لايه‌ن هه‌ردوگ حكومه‌ت به‌غدا و هه‌ولێر ئه‌را يه‌كلاكردنه‌وه‌ى ئه‌و ناكووكيه‌يله ك مه‌ندنه له‌ناونيان وه درژايى خوله‌يل يه‌ك له‌شوون يه‌ك په‌رله‌مانى.
باس له‌وه‌يش كرد شانديد باڵاى كورد وه‌ى نزيكه‌يله سه‌ردان به‌غدا ئه‌كا ئه‌را تاووتوێكردن و ته‌واوكردن ئه‌نجامه‌يل وه‌ده‌سهاتگ شاند به‌غدا ئه‌را هه‌ولێر له‌ى ماوه‌ى دوياخره، له‌لايه‌ن وه‌زير نه‌فت و وه‌رپرسه‌يل تر له حكومه‌ت به‌غدا و جواودنه‌وه‌ى جددييش هه‌س له هه‌ردوگ لاوه، وه‌تايبه‌ت له دوسيه‌يل نه‌فت و غاز و مووچه‌يل هه‌رێم ك هه‌وڵ يه‌كلاكردنه‌وه‌يان ئه‌يه‌ێم.