رەجەب تەیب ئەردۆغان سەرۆك كۆمار توركیا، لە ديمانه‌ێگی وه‌ل كەناڵ ئەی تی ڤی وڵاتەگه‌ێ لە بارەێ ئەگەر جیاوه‌بوين كورد لە عێراق وتگە: بايه‌سه وە شێوەێگ وەرفراوان تاوتوێی ئی باوەتە بكەیم، بايه‌د یەكەمجار ئی باوەتە جوور باوەتێگ ناوخۆیی عێراق هەڵبسەنگنیمن. ئەگەر عێراق وەرەو دابه‌شبوين بچوود، ئەوە باوەتێگ ناوخۆییە، يە باكوور عێراق وەرەو گرفتێگ جدی ئەواد".
وتیش: " ئيمە و حكومەت باكوور عێراق دیالۆگ خاسێگ ها لە ناوبه‌ينمان، هەر هەنگاوێگ نه‌ن پەیوەندی وە خوه‌یان و حكومەت مەركەزی عێراقەو دێرێ.
پەیوەندی ناونی حكومەت ناوه‌ندی و باكوور عێراق هویچ تەندروست نییە. باكوور عێراق ماف خوه‌ێ وەرناگرێ".
سه‌رۆك كۆمار توركیا خواست خوه‌ێ ئه‌ڕا ئاڵشتكردن وڵات له سیستمێگ په‌رله‌مانییه‌و ئه‌ڕا سه‌رۆكایه‌تی دووپاته‌و كردگه‌‌و له باره‌ێ كێشه‌ێ كوردیش له عێراق، جه‌خت له‌وه كردگه‌سه‌و ك "جیاوه‌بوين كورد كێشه‌ێ ناوخۆیی عێراقه‌و ئيمه دژایه‌تی ناكه‌یم، كورد ماف خوه‌یه ده‌وڵه‌ت داشتوود".