له‌ى باوه‌ته‌و ووزاره‌ت ناوخوه‌يى عراقى ليژنه‌يگ له‌ كارمه‌نده‌يل شاره‌زا دامه‌زران له‌ بوار ئاى تى و ئه‌رك دروسكردن و ديزاينكردن كارت نيشتمانى وه‌پيان سپارد ئه‌را هاووڵاتيه‌يل پارێزگاى هه‌ولێر.

جى باسه‌، وه‌گووره‌ى بريار وزاره‌ت ناوخوه‌يى عراقييش ك(شه‌فه‌ق نيوز)ئاگادارى بوى، ئاشكراى ئه‌وه‌ كريا ك له‌ئاينده‌ى نزيكيگ ئاگادار هاووڵاتيه‌يل هه‌رێميش ئه‌كريه‌ێد ئه‌را ئه‌وه‌گ بچن ئه‌و كارت نيشتمانيه‌ ده‌ربكه‌ن و كارته‌گه‌يش وه‌ هه‌ردوگ زووان كوردى و عه‌ره‌بى له‌بانى نويسرياگه‌ و زه‌حمه‌تيشه‌ ساخته‌ بكريه‌ێد وه‌ بوونه‌ى ئه‌و مادده‌ى فسفۆريه‌ ك له‌تى وجوود ديرێد.