شه‌فه‌ق نيوز/ ئه‌حمه‌د حه‌مه ره‌شيد سه‌ركرده له كۆمه‌ڵه‌ى ئسلامى كوردستانى، راسيه‌يل رويكردن حزبه‌يل ئايينى كوردستانى له لاوردن وشه‌ى "ئسلامى" له ناوه‌يليان ده‌رخستن، ئه‌ويش وه بوونه‌ى داوه‌زين ئاست جه‌ماوه‌رى هيزه‌يل ئسلامى له هه‌رێم.
ره‌شيد ئه‌را شه‌فه‌ق نيوز وت: ئه‌وه‌گ ئى مه‌سه‌له تاووتوێ كردگه ته‌نيا جه‌ماعه‌ت ئسلامى بوينه‌و فكره‌يگ گشتى نه‌ويه له‌لاى حزبه‌يل ئايينى كوردستانى جوور مه‌ردمانيگ له‌لى حالى بوينه.
جى باسه، ره‌شيد هه‌ميش وت: هه‌رچه‌نى ناو جه‌ماعه‌ت ئسلامى له وه‌خته‌يليگ ك ده‌نگ داشت، وه‌لێ ئيسه له‌وه‌ر ئه‌وه‌گ جه‌ماعه‌ت ئسلامى حزبيگ سياسى مه‌ده‌نيه‌و به‌شدارى له ده‌زگايه‌يل مه‌ده‌نى ده‌وڵه‌ت ئه‌كا، وه‌و خاتره بايه‌سه له‌بانى ناو خوه‌ى ئاڵشت بكاو ئى مه‌سه‌له‌يشه ئه‌را كۆنگره‌ێ ئاينده ئه‌خريه‌ێده روێ.