له‌ى باوه‌ته‌و، مه‌حما خه‌ليل قايمقام شه‌نگاڵ ئه‌را ماڵپه‌ڕ پارت ديموكرات كوردستان ك(شه‌فه‌ق نيوز)ئاگادارى بوى، وت: تائيسه قه‌ورسانه‌يل وه ته‌مامى هه‌ڵه‌و نه‌دريانه‌و داوايش له وزاره‌ت شه‌هيده‌يل و ئه‌نفالكرياگه‌يل حكومه‌ت هه‌رێم كورد وه گورجى ده‌س بكاده هه‌ڵدانه‌وه‌ى ئه‌و قه‌ورسانه‌يله‌و هه‌وڵيگ جددى له‌باوه‌ته‌و بيه‌ێد، چوينكه وه‌قسه‌ى خوه‌ى كه‌ش وهه‌واى واراناوى كاريگه‌رى خراو ئه‌كاده بان ته‌رمه‌يل.
جى باسه، له مانگ گوزه‌يشت هيزه‌يل پێشمه‌رگه وه سه‌رپه‌شتى راسه‌وخۆ مه‌سعود بارزانى سه‌رۆك هه‌رێم ده‌سكردنه په‌لاماريگ ئه‌را ئازادكردن شار شه‌نگاڵ له‌ژير ده‌س داعش و ئه‌را وه‌ماوه‌ى كه‌متر له دو رووژ قه‌زاگه وه ته‌مامى ئازاد كريا.