شەفەق نیوز/ سەرچەوەیلیگ پزشکی، ئمڕوو یەکشەممە، خەوەردان ک پارێزگایل نەجەف و بەسرە ١٠٨ تووشهاتگ و ٧ مردگ وە ڤایڕۆس کۆڕۆنا تۆمار کردن وئاماژەدا وە بەخشین پلازمای خوین ١٧ خاسەوبوی لە پەتاگە ، ئەرا رەوشە سەختەگان لە دیالە.
سەرچەوەیگ پزشکی ئەرا پەیامنێر ئاژانس شەفەق نیوز لە بەسرە وت: ئمڕوو پارێزگاگە ٧ مردن نوو وەپەتای کۆڕۆنا تۆمارکرد، ودیاریکرد کە کارەیل وخاکسپاردنەگە تیم خۆبەخشه‌یل تایبەت وە خاکسپاردن قوربانیەیل کۆڕۆنا ئەرکەگەی هەڵگرد.
لە نەجەف، سەرچەوەیگ پزشکی ئەرا ئاژانس شەفەق نیوز باسکرد: پارێزگاگە ئمڕوو، ١٠٨ تووشهاتگ وە ڤایڕۆس کۆڕۆنا تۆمارکرد، ئەویش دویای دەرکەفتن ئەنجام تاقیەگان، و هەمان وەختەگە ٣٧ خاسەوبوین تۆمارکریا وەبی تۆمارکردن مردن.
لە دیالە، سەرچەوەیگ ئەرا ئاژانس شەفەق نیوز وت: لە پارێزگاگە ١٧ کەس خاسەوبوین لە ڤایڕۆس کۆڕۆنا و پلازمای خوین پەخشین ئەرا رزگارکردن وفریاکەفتن تووشهاتگەیل، و دیاریکرد ک تەندروسی دیالە و رێکخراوە ئایینی و مرۆڤایەتیەیل دەسکردە هەڵمەتیگ ئه‌را هووشیارکردن و هانداین وە بەخشین پلازمای خوین لە لایەن خاسەوبویەیل، لەسای زیایبوین تووشهاتگەیل لە پارێزگاگە وە رێژەیل بەرزیگ.
سەرچەوەگە دووپاتکرد ک دەیان كه‌س لە خاسەوبویەیل ئامادەیی خوەیان نیشاندان ئەرا بەخشین و رزگارکردن تووشهاتگەیل، جوور هەڵمەتیگ دەسمیەتی مرۆڤایەتی ئەرا رەدکردن لە قەیران پەتای کۆڕۆنا لە پارێزگاگە، ودیاری کرد ک تەندروسی دیالە گشت پێوستیەیل ئاسانکاری ئەرا بەخشینەگە ئه‌را خۆبەخشەیل ئامادەکرد