شەفەق نیوز/ دیالە، رووژ یەکشەممە، راگەیان لە کردنەوەی ری دیالە – کەلار ، ک وەرجە زیاتر لە ١٠ رووژ بڕیا لەوەر زیایبوین تووشهاتنەگان وە کۆڕۆنا لە کەرت گەرمیان و دەورگرد ناوچەیلیگ لە دابڕیایەگان.
وەسفی تمیمی وەڕیەوبەر ناحیەی قەرەتەپە ئەرا ئاژانس شەفەق نیوز وت: وەڕیەوبەرایەتی کەرت گەرمیان سەروە هەرێم کوردستان، دووارە ری دیالە-کەلار وازکرد لە نوای کاروانە بازرگانیەگان ئەرا گواستنەوەی بازرگانی ناوبەین هەرێم و پارێزگایل ناوڕاس و باشوور.
تمیمی دووپاتکرد؛ وەگەرد وازکردن ریەگە ریکارەیل تاقیکردنەوەی مقەیەتی سەختیگ دانریا، ئەرا نواگردن لە گواستنەوەی پەتاگە لە ناوبەین دیالە و کەلار، و کردنەوەی ریەگە گرنگی فرەیگ دیرێ لەوەر وەرەودویاچین هووکار بەساننی ک هیشت دانیشتوەیل ناوچە سنوریەگان دیالە ونزیک کەلار لە پارێزگای بەغداد بازاڕ بکەن، و ری فرە دریژ و مەترسیدار تەندروسی بووڕن.