شەفەق نیوز/ وەرپرسیگ ئەمنی لە ئۆپراسیۆنەیل بەغدا، ئمڕوو دووشەممە، ئاشکرای رێنمایەیل نوو کرد، ک موستەفا کازمی سەرۆک وەزیران دەری کرد دەربارەی وەخشینەگان ک دریاگە ئه‌راکادر راگەیانن، وئاماژە دا ک تەنیا دریەێدە دامەزراوە راگەیانە ناسریاگەیل، وهۆی ئی رینمایلە دانا وە ( بەد وەکارهاوردن).
بەرپرسە ئەمنیەگە ئەرا ئاژانس شەفەق نیوز وت؛ موستەفا کازمی سەرۆک وەزیران، دویای سەردان دویەکەی ئەرا خاڵه‌یل ئەمنی ناو بەغداد، سەریسوڕما وەختا هەژمار ماشینەیل لە وەخت قەیەغەگە لەجادەگان دی، ک هەژماری فرەتر بوی لە ٥ هەزار ماشین.
بەرپرسە ئەمنیەگە هەمیش وت؛ کازمی فەرمان دا وە ئۆپراسیۆن بەغدا ئه‌را پویچەڵ کردن وەخشان روژنامەنووسەیل، وه‌خاتر بەد وەکارهاوردن وەخشینەگە ئەرا مەبەستەیل شه‌خسی لە لایەن بڕیگیان، وتیش؛ کازمی رینمای دا وەئاسانکاری تەنیا ئه‌را دامەزراوە راگەیاننه ناسریاگەیل.
ئاماژەیش دا؛ رێوشوێنەگان ک هێزەیل ئەمنی ئمڕو وەجی هاوردن وە بردن باجەیل روژنامەیی دامەزراوە راگەیاننەگان، تایبەت ئەوی نەناسریاگە، وە رینمای کازمی چەسپانن قەیەغەی هاتوچگنەگە، وسزادان پێشەلکەرەیل وەگورەی یاسا بوی.
فەرماندەی ئۆپراسیۆنەیل بەغدا لە بەیاننامەگه‌ی ئمڕوو، رێوشوێن نوو خستە بان پابەنکردن راگەیانیەیل ئەرا دویەروکەفتن لە پەیوەندی وسەردان شه‌خسی، دووپات ئه‌وه‌ش کرد ک هویچ قەیەغەیگ دەرنەچگە ئەرا قەیەغەی جویلەی کادرە راگەیانیەگان لە پایتەختەگە.
سەرچەوەیل ئەمنی، ئمڕوو دووشەممە، لەوەختیگ وەرین باس کردن ک هێرە ئەمنیەگان موڵەت ماشین کادرە تەندروسیەیلە کیشانەو وکارتەیل شناسنامەیان، ونەهێشتن رەد بوون، جوور پێشەلکردن رونیگ ئەرا بڕیارەیل حکومەتی قەیرانەگە، ک لە قەیەغەگە وەخشانەیان. لە وەختیگ وەرین ئمڕوو دووشەممە، کۆمسیۆن باڵای ماف مرۆڤ، داوا لە دەسڵاتە ئەمنیەگان کرد، وەگرنگی وەکارهاوردن وەخشینە فەرمیەگان ک دریاگە لەلایەنیل باڵا ، ئەوەگ تایبەتە وە کادر پزشکی وتەندروسی وراگیانن.
موستەفا کازمی سەرۆک حکومەتەگە، ئیوارەی دویەکە، وەگورەی بەیاننامەی کوڵیگ لە نووسینگەگەی، رینما دا وجەختکردن لەبان قەیەغەی هاتوچگن لە وڵاتەگە، وەل بەرزەوبوین هەژمار تویشهاتنە دیاری کریاگەیل وە ڤاێڕۆس کۆڕۆنا،.
فەرماندەی ئۆپراسیۆنەیل بەغداد، لە بەیاننامه‌گی دویەکە، هوشداری دا ئەرا گشتی وەزارەتەیل و لایەنەیل ک پەیوەندی نەیرن وە وەزارەتیگ، ورۆژنامەنووسەیل ودامەزراوەیل راگەیانن ، ئەوانەیگ وەخشین جویلە وەرگردنە، ک رێوشوێن یاسایی وسزای پویلی كه‌فیده مل هەرکەسیگ وەخشینەگە لە دەیشت ئەرک فەرمی وەکار بارێد.