شەفەق نیوز/ بڕیگ لە کادرەیل تەندروسی هەرێم کوردستان، ئمڕوو شەممە، راگەیانن لە بایکۆت وازیگ لەوەر خەرجنەکردن مووچەیلیان.
هاوژین عوسمان وەرپرس سەندیکای تەندروسی لە سلێمانی ئەرا ئاژانس شفەق نیوز وت؛ ژمارەی فرەیگ لە کادرەیل خەسەخانەی سلێمانی وهەڵەبجە و وەڕیەوبەرایەتی راپەڕین وگەرمیان، له‌وەر خەرجنەکردن مووچەیلیان، بایکۆتکردن لەدەوام راگەیانن.
عوسمان هەڕەشەی بایکۆت گشتی دا ئەگەر لەروژەیل هاتگ مووچە وەرنەگرن، ودیاری کرد ک کادرە تەندروسیەگان ژیان خوەیان خەنە مەترسی، وخوەیان یەکەمین دیوار نواگردن وهەڵسوکەفتن وەل تویشهاتگەیل کۆرۆنا تا خاسەو بوون یا مرن.
هەمیش وت؛ لەماوەی سێ روژ دویاین ٢٥ کەس لەکادرەیل تەندروسی تویش کۆڕۆنا هاتن، وئیمە هایمنە مەیدان جەنگ وەرانوەر کۆڕۆنا، وبڕیگ کادر تەندروسی تووش ڤایڕۆسەگە هاتنه‌، و هانه‌ کەرەنتینەی تەندروسی یا پزشکی ، چوینکە هەر لە ماوەیل سەرەتایی لە بڵاوبوین ڤایڕۆسەگە ، خوەیان هانە هێڵ یەکەم وەرانوەر پەتاگە، وبایەسە حکومەت هەرێم رێز لەلیمان بگرێد و نەخەێدەمانە پشتگووش