شەفەق نیوز/ سەرچەوەیگ ئەمنی لە سەڵاحەدین، ئمڕوو دووشەممە، خەوەردا لە کوشیان ٤ کەس لە ریخریاگ داعش، و دەسگیرکردن ٧ داواکریاگ لە پارێزگاگە، لە وەختیگ ک جەنگاوەریگ لە حەشد شەعبی گیانی لەدەس دا و بڕیگ تر زەخمداربوین لە تەقینەوەیگ لە دیالە.
سەرچەوەگە ک خوەی ئەفسەریگە لە ئۆپراسیۆن سامەڕا ئەرا ئاژانس شەفەق نیوز وت: هێزە ئەمنیەگان توێنەستن ٤ تیرۆرست لە ناوچەی سورشناس لە سامەڕا بکوشن.
وتیش: هێزەیل هاوبەش لە پۆلیس و سوپا پاكسازی کنارەیل چەم دیجلە لە باکوور سامەڕا کردن، چوونکە حەشارگەی ریخریاگ داعش لەورا هەس.
سەرچەوەگە دووپاتکرد لە دەسوەسەرکردن ٧ تیرۆرست وکارەیل وەشکنین گەورایگ لە کەرتەیل ئۆپراسیۆن سامەڕا، وەگەرد دەسوسەرکردن ٢٤ کەس وە توومەتەیلیگ تر لەی هەفتە.
لە دیالە، سەرچەوەیگ ئەمنی لە پارێزگاگە خەوەردا ک کەسیگ سەروە حەشد شەعبی گیانی لەدەس دا، و پەنج کەس زەخمداربوین لە شوون تەقینەوەیگ لە باکوور قەزای موقدادیە.