شەفەق نیوز/ شەو یەکشەممە، دەورگرد فڕۆکەخانەی ناودەوڵەتی بەغداد کەفتە وەر گورزیگ وە مووشەک کاتیۆشا. سەرچەوەیگ ئەمنی خەوردا ئاژانس شەفەق نیوز؛ مووشەکیگ کەفتە دەورگرد فڕۆکەخانەگە، ك نەتەقیەو و زیانیش نه‌یاشت.
لە لای خوەییش شانەی راگەیان ئەمنی وت: لەلای فەرماندەی ئۆپراسیۆن بەغداد ئاماژە وە هیچ وەشانن مووشەکیگ نەدریاگە تا ساعەت ٠٠:٥٠
شەفەق یەکشەممە، سیستم پاتریۆت مووشەکی، پەلاماریگ مووشەکی پویچەڵ کرد، ک هەوڵدا باڵیۆزخانەیل ئەمریکا بکەێدە ئامانج لە ناوچەی خەزڕا لە ناوڕاس بەغداد پایتەخت.
وەیەوە سیستمەگە لە کەمتر لە ٢٤ ساعەت لەبان داناینی، سەرکەفت لە نواگردن یەکەمین پەلامار مووشەکی، لەلایەن کۆمەڵەیل چەکدار، ک وەرپرسەیل لە ئیدارەی ئەمریکی تومەتباریان کەن وە لایەنگری رژیم ئیران.
سەرچەوەیلیگ ئەمنی رووژ شەممە خەوردانە ئاژانس شەفەق نیوز ک هیزەیلیگ ئەمریکی تاقی سیستم وەرگریە ئاسمانیەگە ( پاتریۆت) کردن، لە ناوچەی سه‌وز ناوڕاس بەغداد پایتەخت، وهەمیش کۆمپانیا ئەمنیەگە ک ئەرک مقەیەتی کردن باڵیۆزخانە ئەمریکیەگە هەڵگرێد، هەڵسیا وە ئۆپراسیۆنیگ راهێنان جوور تەقەکردن و تەقینەوەی دەنگی، لە ناوڕاس دەنگه‌یل هووشداری.
هەمیش سەرچەوەگان لە ناوچه‌ی سه‌وز تاقی گونجیاگی سیستم پاتریۆت کردن.
ئەمریکا لە بڕیگ شوون لە عراق سیستم پاتریۆت وڵاوەکردن ئەرا نواگردن په‌لامارە دووارەکریایەگان ک سەرباز و دبلۆماسیەگانی کەێدە ئامانج، لە لایەن باڵەێلیگ سەروە ئیران. وەشیەوەیگ تایبەت پەلامارەگان باڵیۆزخانەی ئەمریکا لە ناوڕاس بەغداد کەێدە ئامانج ک سەرباز و دوبلۆماسیە ئەمریکیەگان لە وڵاتەگە هاناویان.