شه‌فه‌ق نيوز/ كه‌سيگ كوشياو مناڵيگيش زه‌خمدار بوى له‌وه‌خت ته‌قه‌كردن له ئاهه‌نگيگ له پاريزگاى كه‌ركوك.
له‌ى باوه‌ته‌و، سه‌رچه‌وه‌يگ ئه‌منى ئه‌را ئاژانس شه‌فه‌ق نيوز وت: ئه‌و رويداگه له‌وه‌ختيگ كه‌فته‌سه‌و ك باوگ كه‌سه كوشيايه‌گه وه چه‌ك ته‌قه‌ى هه‌ڕه‌مه‌ى كردگه له ماره‌بڕين كوڕه‌گه‌ى له قه‌زاى حه‌ويجه له باشوور كه‌ركوك و گوله داگه له كوڕه‌گه‌ى خوه‌ى و يه‌كسه‌ر كوشته‌سه‌ى و مناڵيگيش زه‌خمدار كردگه.
جى باسه، ديارده‌ى ته‌قه‌كردن وه چه‌ك سووك و نيمچه گه‌ورا له عراق بويه‌سه ته‌قليد عه‌شايرى و مه‌ردمه و له‌ى دوياخريشه فريه په‌ره سه‌ند و ساڵانه‌يش بويه‌سه هووكار كوشتن ده‌يان كه‌س.