چه‌كداره‌یل توندڕه‌و سه‌ر وه ڕێكخرياێ "ده‌وڵه‌ت ئسلامی" و گروپێگتر هه‌وادارێ، پاره‌كه سه‌دان جوان ك زورمیان شیعه بوين له سه‌ربازگه‌ێ سپایكه‌ر تكریت ده‌ركردن و دویاخر تیروارانیان كردن.
ڕاپۆرته‌یل ئه‌ێوژن چه‌كداره‌یل، جوانه‌یل ڕواكریاگ یه‌ك له شوون یه‌ك كوشتنه.
حكوومه‌ت عراقی ئه‌ێوژێ هه‌فته‌ێ ئاینده ناو قوروانیه‌یله ئاشكرا ئه‌كا.
له لاێگتره‌و جه‌نگ توند له ناونی سوپای عراق و حه‌شد شه‌عبی لایگ و چه‌كداره‌یل ڕێكخرياگ ده‌وڵه‌ت ئسلامی له لاێگتر له پارێزگاێ سه‌ڵاحدین وه‌رده‌وامه.
ماوه‌ێ چوار ڕووژه جه‌نگ له ناوچه‌یل پارێزگاێ ئه‌نبار و ده‌وروه‌ر شار ڕومادی ك دو هه‌فته پێش له لایه‌ن چه‌كداره‌یل داعشه‌و كۆنترۆڵ كریا، وه‌رده‌وامه.
سوپاێ عراق ئه‌ێوژێ وه‌هاوكاری هێزه‌یل حه‌شد شه‌عبی و ژماره‌ێگ له چه‌كداره‌یل عه‌شایر ده‌سكردگه‌سه ئه‌نجامداین پرۆسه‌ێگ سه‌ربازی ئه‌ڕا كۆنترۆڵ كردنه‌وه‌ێ شار ڕومادی هه‌ڵكه‌فتگ له 105 كیلۆمه‌تری شار به‌غدا.