وه‌یه‌یش ئشاره كردگه ك زورم ئاواره‌گان ژن و مناڵن و دوچار ڕه‌نج و مه‌ینه‌تی فریه‌ێگ هاتنه و له بارودوخێگ ناهه‌موار و نه‌بوێن خوراك و ده‌رمان وه‌سه‌ر ئه‌وه‌ن.
غه‌ڕاوی باس كه‌می كومه‌كه‌یل ئنسانی پێشكه‌ش كریاگ وه ئاواره‌یل له لاێه‌ن حكومه‌ت و ڕێخكراوه‌یل ناوده‌وڵه‌تیه‌وه كردگه و جه‌خت ئه‌كا ك زورم كومه‌كه‌یل له لاێه‌ن ڕێكخراوه‌یل مه‌ده‌نی وخوه‌ی به‌خشه‌یل و حه‌شد شه‌عبی پێشكه‌ش ئه‌كرێه‌ێ.
زیاتر وتگه: كومسیون چه‌ن ڕاسپارده‌ێگ ئه‌ڕا لایه‌نه حكومیه‌گان كل كردگه و داواێ ئه‌وه كردگه ئاسانكاری له بردن ئاواره‌گان ئه‌ڕا كه‌مپه‌یل بكه‌ن تا نواگیری له نه‌خوه‌شی بكریه‌ێ وه‌تایبه‌ت له ناو مناڵه‌یل ك توێش بیماریه‌یل واگیر هاتنه.
غه‌ڕاوی ته‌ئكید كردگه ك كومسیون چه‌ن كه‌مپێگ ئه‌ڕا نیشته‌جاكردن ئاواره‌گان له نزیك ده‌روازه‌گه دروس كردگه ك نیازه‌یل سه‌ره‌تایی ژیان هاله‌تیان.
كۆمسیونه‌گه له بان یه‌یش جه‌خت كردگه ك ژماره‌ێ ئاواره‌یل عراق ڕه‌سیه‌سه 3 ملیون و 250 هه‌زار كه‌س و له ئه‌میندار گشتى نه‌ته‌وه‌یل یه‌كگرتگ بان كی مون داوا كردگه كونفرانسێگ ناوده‌وڵه‌تی ئه‌ڕا گرده‌و كردن كومه‌ك ئه‌ڕا ئاواره‌گان ك دوچار قه‌یران ئنسانی ڕاسه‌قینه هاتنه وه‌رپا بكا.