شه‌فه‌ق نيوز/ مايك په‌مپيۆ وه‌زيرى خارجيه‌ى ئه‌مريكى په‌يوه‌ندييگ ته‌له‌فۆنى وه‌ل عادل عه‌بدولمه‌هدى سه‌رۆك ئه‌نجومه‌ن وه‌زيره‌يل عراقى ئه‌نجامدا و له‌تى باس له روێداگه‌يل قه‌يران ناونى ئه‌مريكاو ئيران كردن.
له‌ى باوه‌ته‌و، نويسينگه‌ى سه‌رۆك وه‌زيره‌يل له به‌ياننامه‌يگ ئه‌وه ده‌رخست ك عه‌بدولمه‌هدى په‌يوه‌ندييگ ته‌له‌فۆنى له وه‌زير خارجيه‌ى ئه‌مريكاوه وه‌پى ره‌سيه‌و له‌تى باس له پته‌وكردن په‌يوه‌نديه‌يل ناونى هه‌ردوگ وڵات و هوير وڕاى هه‌ردولا كرياگه له‌باره‌ى روێداگه‌يل ناوچه‌گه له ئه‌نجام قه‌يران ناونى وڵاته‌يل يه‌كگرتگ ئه‌مريكاو كۆمار ئسلامى ئيرانى.
به‌ياننامه‌گه ئاماژه وه‌يه‌يش كرد وه‌زير خارجيه‌ى ئه‌مريكا ستايش رۆڵ و هه‌ڵويست عراق كردگه وه‌ل په‌يوه‌نديه‌يل جياجياى له ده‌ورگرد عه‌ره‌يى و هه‌رێمى و هه‌وڵدانى له‌بان ئارامى و سه‌قاميرى و دويره‌وخستن گرژى، بيجگه وه‌رده‌وامى هاوكارى له‌ناونى هه‌ردوگ وڵات دژ وه تيرۆر.