شه‌فه‌ق نيوز/ وه‌رپرسيگ ناوچه‌يى له پاريزگاى سه‌ڵاحه‌دين، ئاشكراى ويرانكردن بنگه‌يليگ ريكخرياگ داعش كرد له‌ڕێ بۆردومانه‌يل ئاسمانى له خوه‌رئاواى قه‌زاى شه‌رگات له باكوور پاريزگاگه له مه‌رز وه‌ل پاريزگاى نه‌ينه‌وا.
له‌ى باوه‌ته‌و، خه‌يروڵڵا جبورى قايمقام قه‌زاگه ئه‌را ئاژانس شه‌فه‌ق نيوز وت: ته‌ياره‌يل جه‌نگى بۆردومان بنگه‌يليگ ريخرياگ داعش كردنه له خوه‌رئاواى قه‌اگه له چوارچيوه‌ى مه‌رزه‌يل شه‌رگات وه‌ل ناحيه‌ى حه‌زه‌ر له باشوور پاريزگاى نه‌ينه‌وا.
باس له‌وه‌يش كرد له‌و بۆردومانه بنگه‌يل فريه‌يگ ريكخرياگ تيرۆريستى داعش ويران كريانه له ناوچه‌يل خوه‌راواى شه‌رگات و ده‌ورگرد قه‌زاى حه‌زه‌ر، وه‌گووره‌ى زانياريه‌يل ئه‌منى ك له‌ى باوه‌ته‌و ده‌ركه‌فتگه.