شه‌فه‌ق نيوز/ عاليه نسه‌يف ئه‌ندام ئه‌نجومه‌ن نوێنه‌ره‌يل عراقى، ئه‌و رينمايه‌يل ك له‌بريار شماره 2470 ئه‌نجومه‌ن ئاسايش ناوده‌وڵه‌تيه‌و ده‌رچيه له‌باره‌ى عراق، وه رينمايه‌يليگ مينڕيژ تاريف كرد ك ده‌س ئه‌جنداى تايبه‌ت ها شوونى و له‌ماوه‌ى چوار ساڵ ئاينده جيوه‌جێ ئه‌كريه‌ێد.
نسه‌يف له به‌ياننامه‌يگ وت: رينمايى په‌يوه‌س وه پيشكه‌شكردن پاڵپشتى و راوێژ ئه‌را حكومه‌ت عراق و كۆمسيرن هه‌ڵوژاردنه‌يل له‌باره‌ى رێ وشوونه‌يل خواست ئه‌را هه‌ڵوژاردنه‌يل( راپرسيه‌يل)مه‌سه‌له‌يگه ئه‌را له‌وه‌رگرتن رێ وشوون راپرسى له‌بان كه‌ركوك و سه‌رشمارى مه‌ردمى وه ئامانج جيوه‌جيكردن مادده‌ى 140 له ده‌ستوور، وه‌و مانا نه‌ته‌وه‌يل يه‌كگرتگ پلان دانه‌ێد ئه‌را يه‌كلاكردنه‌وه‌ى مه‌سه‌له‌گه وه‌رجه 2023 ك له‌تى ريككه‌فتن لۆزان كۆتايى وه‌پى ئه‌ياد.
جى باسه، نسه‌يف هه‌ميش وت: ئى بڕياره قه‌يران له‌ناونى ئه‌و پيكهاته‌يله دروس ئه‌كا ك له‌كه‌ركوك ژيه‌ن و ده‌رئه‌نجام مه‌ترسيدار له ژيان كۆمه‌ڵايه‌تى له‌لى ئه‌كه‌فێده‌و دوياخريش مه‌ردم كه‌ركوك باج كيشمه‌كيشه‌گه‌ێ ئه‌يه‌ن.