شه‌فه‌ق نيوز/ په‌رله‌مانتاريگ له هاوپه‌يمانى فه‌تح، ئاشكراى كرد داهاته‌يليگ راسكانى ده‌روازه‌يل مه‌رزێ هه‌ن له بودجه‌ى گشتى حكومه‌ت ناوه‌ندى تۆمار نه‌كريانه‌و زياتره له 10 مليار دۆلار ساڵانه.
له‌ى باوه‌ته‌و، فازڵ فه‌تلاوى ئه‌را ئاژانس شه‌فه‌ق نيوز وت: داهاته‌يليگ راسكانى هه‌ن له ده‌ورازه‌يل مه‌رزێ ك زياتره له 10 مليار دۆلار ساڵانه‌و جى داخه هيمان له بودجه‌ى گشتى ده‌وڵه‌ت عراقى تۆمار نه‌كريانه.
باس له‌وه‌يش كرد ئه‌و ده‌روازه‌يله ساڵانه ته‌نيا يه‌ك مليار دۆلار راده‌س وه حكومه‌ت ئه‌كه‌ن له داهه‌ته‌يليان و ئاماژه وه‌يه‌يش كرد داهاته‌يل تر ئه‌چێد ئه‌را لايه‌نه‌يل تر سوودمه‌ن و گيرفان گه‌نده‌ڵكاره‌يل.