شه‌فه‌ق نيوز/ وه‌زاره‌ت وه‌گرى ئه‌مريكا(پنتاگۆن)ئاشكراى ئه‌وه كرد و وت: شماره‌ى ئه‌و سه‌ربازه‌يل ئه‌مريكيه ك زه‌خمدار بوينه له ئه‌نجام بۆردومانه‌گه‌ى ئيران ئه‌را بان بنگه‌ى عه‌ينولئه‌سه‌د له عراق له مانگ گوزه‌يشت ره‌سيه‌سه 110 كه‌س.
ئى ئه‌نجاميشه گه‌وره‌تره له‌و ئه‌نجام ك زويتر له 10ى شووبات ئاشكرا كريا له‌باره‌ى په‌لاماره‌گه‌ى ئيران ئه‌را بان بنگه‌ى سه‌ربازى عه‌ينولئه‌سه‌د له خوه‌رئاواى عراق.
پنتاگۆن له به‌ياننامه‌يگى وت: ته‌شخيس زه‌خمه‌يل گشت زه‌خمداره‌يل كرياگه ك زه‌خمه‌يل كه‌ميگ بويه له مه‌ژگ، باس له‌وه‌يش كرد 77 كه‌س له‌ليان هاتنه‌سه‌و ئه‌را خزمه‌ت و 35 سه‌ربازيش جيواز كريانه‌ئ ه‌را ئه‌ڵمانيا له‌وه‌ر مه‌زه‌نه‌كردن زياتر له حاڵه‌ت ته‌ندروسييان و دوياى ئه‌وه‌يش 25 له‌ليان ره‌وانه‌ى وڵاته‌يل يه‌كگرتگ كريانه.