شه‌فه‌ق نيوز/ غه‌سان عه‌زيز پزيشك عراقى له بڵاوكرياگيگ له فه‌يسبوك وشدارى داگه له‌وه‌گ ريژه‌ى تويشهاتن وه ڤايرۆس كۆرۆنا وه به‌راورد وه‌و شماره‌ى حاڵه‌ته‌يله ك فه‌حس كريانه فريه به‌رزتره، يه‌يش له‌وه‌ختيگ وه‌زاره‌ت ته‌ندروستى ئاشكراى تۆماركردن 192 حاڵه‌ت و مردن 13 حاڵه‌ت كرد.
عه‌زيز ئويشێد ريژه‌ى حاڵه‌ته‌يل نه‌گه‌تيڤ نزيكى 10 له‌سه‌ده له‌جه‌م ئه‌و حاڵه‌ته‌يله ك وشكانن ئه‌رايان ئه‌كريه‌ێد، وه‌لێ ئى ريژه 9 له‌سه‌ده وه ته‌نيا له شار وۆهان چينى.
وه‌گووره‌ى قسه‌يل عزيز ك كار له ريكخرياگ پزيشكه‌يل بى سنوور ئه‌كا، وه‌گووره‌ى مه‌زه‌نه‌كردن ئه‌را ده‌رخستن هه‌ر حاڵه‌تيگ ئاشكرا كرياێ له‌ئيسه 3 تا 4 حاڵه‌ت ئاشكرا نه‌كرياێ هه‌س، ك مه‌شق ژيان خوه‌يان وه ئاسايى ئه‌كه‌ن و نه‌خوه‌شيه‌گه بڵاوه‌و ئه‌كه‌ن ئه‌را كه‌سه‌يل تر.
باس له‌وه‌يش كرد و وت: ئه‌گه‌ر شماره راسته‌قينه‌گه 200 حاڵه‌ت بدێ، ئه‌وه دوياى هه‌فت هه‌فته له ئمڕووه‌و ئه‌دێده 25 هه‌زار حاڵه‌ت ، ئاماژه وه‌يه‌يش كرد 10 له‌سه‌د له‌ى شماره‌يشه هه‌وه‌جه وه په‌ره‌داين جه‌سه‌دى ديرن.