شەفەق نیوز/ سانیدکای پزشکەیل سلێمانی لە هەرێم کوردستان، روژ سێشەممە، راگەیانن ک وسانن کار گشتگیر فریاکەوتن و خەسەخانەیل کۆڕۆنا نیەگریده‌ خوه‌ی .
هاوژین عوسمان نەقیب پزشکەیل ئەرا شەفەق نیوز وت: وسانن کار پزشکەیل وفەرمانبەرەیل تەندروسی، دەس وەپی کرد لە گشت سەنتەرە تەندروسیەگان وفرە له‌ خەسەخانەگان، بیجگە فریاکەوتن و خەسەخانەیل کۆڕۆنا.
ناوبریاگ لە کۆنگرەی رۆژنامەوانیگ وت؛ داوای ماف چەسپیاگ خوەمان کەیمن، وداوا لە ئەنجومەن وەزیران کردیمن، وەلی وڵام داواکاریەیلمان نەیان، ئەرایە پزشکەیل سلێمانی بڕیار وسانن لە کار دان، لە گشت خەسەخانەیل.
پزشکەیل و کادرەیل تەندروسی لە شارەیل هەرێم، دویەکە دووشەممە، دەس کردنە مانگرتن، جوور ناڕەزایەتییگ لەبان دیرهاتن مووچە، ک فرەتر لە ٥٠ روژ لە بانی رەد بویە.