شه‌فه‌ق نيوز/ ئه‌حمه‌د مه‌نفى جه‌وده پاريزگار موسه‌نا، ئاشكراى له‌وه‌رگرتن چه‌ن رێ وشوونه‌يليگ كرد ئه‌را نواگيرى له بازرگانيكردن وه نه‌خوه‌شه‌يل له‌لايه‌ن بريگ هاوكاريكه‌ر وه‌ل بڕيگ له پزيشكه‌يل له عياده‌يل تايبه‌تيان.
له‌و باوه‌ته‌و، پاريزگار له به‌ياننامه‌يگ ئه‌را شه‌فه‌ق نيوز ئه‌وه ده‌رخست ك رينمايى داسه گشت ده‌زگايه‌يل حكومه‌ت رێ وشوونه‌يل تايبه‌تيگ له‌وه‌ر بگرن له‌وه‌ر داناين مه‌رزێگ ئه‌را ئه‌و ديارده‌و وت: بڕيگ له پزيشكه‌يل ناپاك كه‌سه‌يليگ وه‌رانوه‌ر وه‌پيداين پويل ئه‌يه‌رنه كار وه‌خاتر هاوردن نه‌خوه‌شه‌يل ئه‌را عه‌ياده‌يليان.
جى باسه، پاريزگار موسه‌نا داوايش له سه‌نديكاى پزيشكه‌يل كرد رێ و شوون له‌باوه‌ته‌و بگرنه وه‌ر ئه‌را نواگيرى له‌و ره‌فتاره‌يله ك مايه‌ى ناوزڕاننه ئه‌را چين پزيشكه‌يل.