شەفەق نیوز/ سەرچەوەیلیگ پزشکی ئمڕو یەکشەممە، باس لە تۆمارکردن ١٦ تویشهاتگ نوو وەڤاێڕۆس کۆڕۆنا کردن لە سێ پارێزگای عراقی، ئەویش؛ نەجەف، بەسرە، دیوانیە.
لوئەی یاسری وەرپرس حکومەتە خۆجێیەگە لە پارێزگای نەجەف و وەرپرس شانەی قەیرانەگە لەبەیاننامەیگ راگەیان ٧ تویشهاتگ هەڵگر ڤاێڕۆسەگە لە پارێزگاگە ، ئمڕوو یەکشەممە ٣١/٥/٢٠٢٠دیاری كریان.
سەرچەوەیگ پزشکی وەرپرس ئەرا ئاژانس شەفەق نیوز وت؛ تاقیەگان فەرمانگەی تەندروسی بەسرە تویشهاتن دوو کەس وە ڤاێڕۆس کۆڕۆنا دیارکرد لە قەزای ئەبی خسێب.
سەرچەوەیگتر وت؛ تیمە پزشکیەگان ٧ تویشهاتگ نوو وە ڤاێڕۆس کۆڕۆنا دیاریکردن لە خەڵک حەمزە شەرقی، ك فرەیان وەقەیەودریاگ تویشهاتگەگەن لە دیوانیە.
حکومەت فیدڕاڵی دویای زیایبوین تویشهاتگ و مردگەیل وە ڤاێڕۆس کۆڕۆنا ، دویکە شەممە، ئەرا ماوەی ٧ روژ بڕیار جیوەجیکردن قەیەغەی هاتوچگن گشتگیر دا، لە گشت پارێزگاگان، بیجگە هەرێم کوردستان.