ئه‌و راپۆرت يونسێفه وه‌ناونيشان "خوه‌نين له خه‌ت ئاگر" ك(شه‌فه‌ق نيوز)ئاگادارى بوى، باس له كاريگه‌رى تون وتيژيه‌يل كرد له‌بان خوه‌ندكاره‌يل خوه‌ندنگا له 9 ناوچه‌و له‌وانه‌يش عراق و سوريا و يه‌مه‌ن و ليبياو شوونه‌يل تر ك نه‌وه‌يگ وه ته‌مامى كه‌فته‌سه ده‌يشت سيستم خوه‌نين و ئاره‌زووه‌يليان ئه‌را ئاينده.
له‌ى باوه‌تيشه‌و، بيته‌ر سه‌لامه وه‌ريه‌وبه‌ر هه‌رێمى يونسێف وت: ئه‌و خوه‌ندنگايه‌يله ك ئه‌كه‌فنه وه‌ر بوردمان يه‌كيگه له هووكاره‌يل سه‌ره‌كى بيبه‌شبوين شماره‌ى فريه‌يگ مناڵه‌يل له خوه‌نين و بڕ فريه‌يگيش له خوه‌ندنگايه‌يل بويه‌سه شوون كووچبه‌ره‌يل و ئه‌و خيزانه‌يله ك له‌تاو تون وتيژى واينه‌و هه‌ر وه‌و خاتريشه مناڵه‌يل له خوه‌نين بيبه‌ش بوينه.