ئه‌و وه‌رپرسه‌يل ك نه‌تواسن ناويان ئاشكرا بدێ له‌ لێدوانيگ ك(شه‌فه‌ق نيوز)ئاگاداری بوی، باس له‌وه‌ كردن ك پيشبينی ئه‌وه‌ ئه‌كريه‌يد له‌ دانيشتن وه‌زيره‌يل خارجيه‌ی يه‌كێتی ئۆرپا ك رووژ دوشممه‌ی ئاينده‌ ساز ئه‌كريه‌يد بڕياريگ فه‌رمی له‌ی باوه‌ته‌و ده‌ربكريه‌يد.

وه‌رپرسه‌يل ئاماژه‌ وه‌يه‌يش كرد ك يه‌كێتی ئۆرپا ده‌س ئه‌كاده‌ وه‌كارهاوردن كه‌شتی و ته‌ياره‌يل بی ته‌ياره‌وان ئه‌را چه‌وديری و گرده‌وكردن زانياری هه‌واڵگری وه‌خاتر داناين پلانيگ ئه‌را سه‌خته‌وكردن مه‌سه‌له‌ی جيوازركردن كووچكه‌ره‌يل له‌ ليبياوه‌ ك جوور بنگه‌يگ جيوازكردن سه‌ره‌كيه‌و له‌وراوه‌ مه‌ردم كووچكه‌ر وه‌ قاچاخ ده‌ركريه‌ن ئه‌را ئۆرپا.

ج . أ