شه‌فه‌ق نيوز/ ده‌زگاى ته‌ندروستى پاريزگاى واست، ئاشكراى يه‌كه‌م حاڵه‌ت مردن كرد وه ڤايرۆس كۆرۆناى تازه ئه‌را پياويگ وه‌ساڵاچگ ك وه‌ل هاوسه‌ره‌گه‌ى له ئيران بويه‌و گله‌و خواردگه.
ده‌زگاگه له به‌ياننامه‌يگ وت: ئه‌و حاڵه‌ت مردنه ك تۆمار كريا، پياويگ وه‌ساڵاچگ بويه له خه‌ڵك ناحيه‌ى شێخ سعه‌د، ك وه‌ل هاوسه‌ره‌گه تويشهاتگه‌گه‌يشى له‌ى دوياخره سه‌ردان ئيران كردنه.
به‌ياننامه‌گه وت: ئه‌و پياوه هاته‌سه نه‌خوه‌شخانه‌و نه‌خوه‌شى دڵ و كيشه له هه‌ناسه‌داين داشتگه‌و حاڵه‌تى خراو بويه‌و مردگه‌و ژنه‌گه‌يشى هيمان خه‌ريكه چاره‌سه‌ر پزيشكى ئه‌راى ئه‌كريه‌ێد ك ئه‌ويش زويتر نه‌خوه‌شى دڵ داشتگه.
لاى خوه‌ييشه‌و، پۆليس پاريزگاى واست بڕيار دا ناحيه‌ى شێخ سعه‌د دابخه‌ێد دوياى ئه‌وه‌گ ئه‌و حاڵه‌ت مردنه له‌تى تۆمار كريا.