شەفەق نیوز/ رێکخراو وەخشین دەوڵەتی، ئمڕوو شەممە، پەیامیگ واڵا ئەرا حکومەتەگەی موستەفا کازمی سەرۆک وەزیران هه‌نارد ك بڕیگ په‌یام گرێدە خوەی، دەربارەی ماف مرۆڤ و داواکاری ناڕەزایەیل و ئاوارەگان.
رێکخراو وەخشین دەوڵەتی لە پەیام وازێگ وت؛ بایەسە حکومەتە نوو لە عیراق بایه‌ت مسۆگەر رەوش ماف مرۆڤ بکەێد، ولەناو بەرنامەی کارەیلی دایبنەێد، و بڕیاره‌ییلی ئەرا سزا داین ئاڵشت بکەێد.
لە پەیامەگە ئەرا موستەفا کازمی سەرۆک وەزیران نوو، دویای قەسەمخواردن دەستوری پیرەکە ٧ ئایار، روشنایی خستە بان نیگەرانی لە سزادان وبه‌رپرسیارەتی لە وڵام تون دەسڵاتەگان دژ وه ناڕەزایەتیەیل پارەکە و سەرەتای ئمساڵ، ولە ململانەی دژ وە چەکدارەیل ک ناو خوەیان نانە وە ( دەوڵەت ئیسلامی)، و هەمیش نیگەرانی لەباوەت ڤاێڕۆس کۆفید -١٩ و توندوتیژی خیزانی نشان دا.
رازاو ساڵحی كارناس تایبەت وە عیراق وت؛ ئی حوکومەت نووە دەرفەتیگ هاوەدەسیەو ئەرا مسۆگەرکردن مافەیل مرۆڤ ومقەیتییان لە عیراق، دویای چەن ساڵیگ لە شکست .
وتیش؛ ئەرا دەیان ساڵ میلەت عیراق نرخ گەورایگ داگە، وە واین لە سزا، ک تا ئیسە تەنیا پەیمان چڕ ودووارە کریاگ لە دەسڵاتەگان گردیە. ئیمەیش پێشوازی لە پابەندبوین حکومەتەگە كه‌یمن ک جه‌خت له سزاداین بەرپرسەیل لە کوشتن خۆپیشاندەرەیل، و گرنگیداین وە خواستیەیل ئاوارەگانكردیه.
ساڵحی جەخت لەبان گرنگی وەکارهاوردن و جیوه‌جیكردن ئی پەیمانەیلە کرد، وە زویترین وه‌خت و شیوەیگ ئەرزشدار، وه‌ل چارەسەر ستەم کۆمەڵایەتی و ئابووری، ک میلەت عیراق قەیریگە جەوریان کیشید.