شەفەق نیوز/ لە ماوەی ٢٤ ساعەت گوزەیشتە لە نەجەف، لیوای دویەم و تیمەیل پزشکی حەشد شيعبی، ئمڕوو پەنجشەممە، ٦٥ مردگ وە ڤایڕۆس کۆرۆنا وەخاکسپارد.
ماڵپەڕ حەشد لە بەیاننامەیگ ئمڕوو وت: لیوای دویەم لە حەشد ٦٥ مردگ وەڤایڕۆس کۆڕۆنا وەخاکسپارد لە ماوەی ٢٤ ساعەت گوزەیشتە، وەدەسمیەتی پزشکی حەشد شەعبی ک ئەرک گواستنەوەی تەرمەگان ئەرا قەورسانەگە هەڵگرد و هەمیش تەمیسکردن ماشینەیل فریاکەفتن و هۆڵەیل مردگەیل لە خەسەخانەیل کەرەنتین تەندروسی وە نووترین ئامێرەیل پزشکی.
بەیاننامەگە دیاری کرد ک مردگە نووەگان وەیجوورە بەشەوبوینە:
٢٢ لە بەغداد، ١٣ لە بەسرە، ١١ لە بابل، ٤ لە نەجەف ، ٣ لە موسەنا، ٣ لە واسیت ، ٣ لە دیالە، ٢ لە زیقار، ٢ لە میسان ، ٢ لە دیوانیە.
بەیاننامەگە ئاماژەدا ک بڕ گشتی وەخاکسپاردەیل لە قەورسان وادی سەلام نوو تا ئمڕوو پەنجشەممە رەسیە ٣١٣٥ مردگ لە گشت پارێزگاگان، چواریان لە ئاین مەسیحیە و یەکیگ سعودیە خەڵک شار ئیحسا.