شەفەق نیوز/ دەیان لە کادرە تەندروسی وپزشکیەگان، ئمڕو یەکشەممە، وساننیگ ناڕەزایەتی رێکخستن، لەبان بڕیار ئاڵشتکردن خەسەخانەی گشتی کەرکوک ئەرا خه‌فانن تووشهاتگەیل ڤایڕۆس کۆڕۆنا.
دکتۆر کامیران عارف ک یەکیگە لە کادرەیل خەسەخانەی گشتی کەرکوک وت: ئمڕوو شەوەکیەگەی دەرچیمن وە خۆپیشاندانیگ ئه‌را داوای مافەیلمان.
وتیش؛ وەڕیەوبەر تەندروسی کەرکوک بڕیاریگ دا وە ئاڵشتکردن ئی خەسەخانە ئەرا چارەسەری و کەرەنتین تووشهاتگەیل کۆڕۆنا، بەڵکم وەرجە ئەوە بایەسە رێکارەیل مقەیەتی ئەرا کادرەیل بوریەێد، چوونکە ئیمە وەراستەخۆ هایمنە قەی بیمارەگان.
عارف هەمیش وت: وەرجە گشت چشتیگ بایەسە ئامێرە پزشکی و مقەیەتیەگان دابین بکریەێد، چوونکە کەمن .