شەفەق نیوز/ دەسەڵاتەیل ئەمنی عراقی، ئمڕوو یەکشەممە، بڕیار کوورەوکردن شاشەیل نمایشکاری پرۆپاگەندە لە شوینەیل گشتی لە بەغداد پایتەخت و پارێزگای بابل وەشیوەیگ وەختانە دا، ئەوەیش دویای هاککردن ئەلیکترۆنی و نمایشکردن ڤیدیۆەی نا ئەغمازی لەوەرچەو مەردم لەناویان.
ئی بڕیارە دویای ئەوە هات ک شاشەیلیگ لە مەیدان (عوقبە بین نافع) ناوڕاس بەغداد پایتەخت و یەکیگیش لە شار حلە ناوەند پارێزگای بابل شەو شەممە لەبان یەکشەممە هاک کریان، و پارچە ڤیدیۆی سێکسی لەبانیان نمایش کریا.
سەرچەوەگە ئەرا ئاژانس شەفەق نیوز وت: وەزارەت ناوخۆ بڕیار وازکردن لێکۆڵینەوە لە رویداوەگە دا، و رەسین ئەرا ئەو لایەنە ک کەموکوڵی دیرێد و ئەو کەسەیلە کە هاکی کردنە، وەگەرد گەورەکردن شاشەیل وەشیوەیگ وەختانە لە بەغداد و بابل و قایمکردنیان لە دووارەوبوین ئەو خاکە.