شه‌فه‌ق نيوز/ عه‌لى ره‌زا ره‌شيديان سه‌رۆك ريكخرياگ حه‌ج و زياره‌ت ئيرانى, ئاشكراى ده‌سوه‌پيكردنه‌وه‌ى كلكردن زياره‌تچيه‌يل ئيرانى كرد ئه‌را مه‌زارگه‌يل شيعه له عراق له‌ڕێ ده‌يشتايى، ئه‌ويش له رووژ شه‌ممه‌ى ئاينده‌وه.
ره‌شيديان جوور ئه‌وه‌گ ئاژانس ميهر ئيرانى باسى كرد، وت: له رووژ شه‌ممه‌ى ئاينده‌وه 15ى فبرايه‌ر ئى مانگه، مه‌سه‌له‌ى كلكردن يه‌كه‌م قافڵه‌ى زياره‌تچيه‌يل ئيرانى ئه‌را عراق له‌ڕێ ده‌روازه‌يگ مه‌رزييه‌و ده‌س وه‌پى ئه‌كا.
جى باسه، يه‌يش له‌وه‌ختيگه ده‌سڵاته‌يل ئيرانى له‌ئه‌نجام خوه‌ينيشانداينه‌يل له عراق، هه‌ردوگ ده‌روازه‌ى شه‌لامچه‌و ميهران و جه‌زابه چه‌ن جاريگ داخست، وه‌لێ ده‌روازه‌يل واز بوين له‌وه‌رده‌م جموجويل بازرگانى له‌ناونى هه‌ردوگ وڵات.