شه‌فه‌ق نيوز/ عوسمان غانمى وه‌زير ناوخوه‌يى و جومعه‌ عناد وه‌زير وه‌رگرى وه‌ فه‌رمان مسه‌فا كازمى سه‌رۆك وه‌زيره‌يل سه‌ركرده‌ى گشتى هيزه‌يل چه‌كدار ره‌سينه‌ به‌سره‌.

سه‌رچه‌وه‌يگ ئه‌منى ئه‌را ئاژانس شه‌فه‌ق نيوز وت: سه‌ردان هه‌ردوگ وه‌زير ئه‌را به‌سره‌ له‌وه‌ر تاوتويكردن بارودوخ ئه‌منييه‌ وه‌ل حكومه‌ت ناوچه‌يى و هه‌ردوگ سه‌ركردايه‌تى فه‌رمانده‌يى و پۆليس له‌ پاريزگاگه‌.

سه‌رچه‌وه‌گه‌ هه‌ميش وت: سه‌ردان وه‌زير ناوخوه‌يى له‌ چوارچيوه‌ى سه‌ردانه‌گه‌يه‌ ئه‌را چه‌ن پاريزگايگ وه‌گووره‌ى فه‌رمان سه‌رۆك وه‌زيره‌يل وه‌ ئه‌وه‌گ وه‌زير خوه‌ى بايه‌سه‌ سه‌ردان پاريزگايه‌يل بكت و راپۆرت يروته‌سه‌ڵ بيه‌ێده‌ سه‌رۆك وه‌زيره‌يل له‌بان بارودوخ وه‌شوه‌يگ گشتى له‌ پاريزگا.