شه‌فه‌ق نيوز/ به‌نگين رێكانى وه‌زير ئاوه‌دانكردنه‌وه‌و نيشته‌جێكردن بانگه‌وازيگ ئاراسته‌ى خه‌ڵك پاريزگاى به‌سره كرد له پاين باشوور عراق ئه‌را ئه‌وه‌گ مقه‌يه‌تى له دامه‌زرياگه‌يل نه‌فتى و به‌نده‌ره‌يليان بكه‌ن له‌وه‌خت خوه‌ينيشانداينه‌يل.
رێكانى له نامه‌يگ ده‌نگى ك ئاراسته‌ى كرده خه‌ڵك به‌سره، وت: خوه‌ينيشانداينه‌يل مافيگه ره‌وا له‌باره‌ى كزێ ئه‌نجامداين ئه‌ركه‌يل و بيبه‌شى و شكه‌ست و گه‌نده‌ڵى له دام و ده‌زگايه‌يل ده‌وڵه‌ت وه دريژايى ساڵه‌يل گوزه‌يشت.
رێكانى هه‌ميش وت: من ده‌س و سه‌ردان ماچ ئه‌كه‌م مقه‌يه‌تى له دامه‌زرياگه‌يل ئابوورى و خزمه‌تگوزارى و نه‌فتى و به‌نده‌ره‌يلدان بكه‌ن، چوينكه ئى دامه‌زرياگه‌يله شاده‌مار ئابووريه‌و ناوبانگى ئيوه‌و وڵاته‌گه‌س ك نه‌بايه‌د تويش مه‌ترسى باێد ك له حاڵه‌تيگ ئه‌گه‌ر روێ وه‌ڕوێ مه‌ترسى بدێ ئه‌وه هه‌وه‌جه وه ده‌يان ساڵ ديرين تا بتويه‌نين متمانه‌ى كۆمپانيايه‌يل جه‌هانى له به‌سره‌و وه‌به‌رهاوردن له شاره‌گه وه‌ده‌س بارين.