شه‌فه‌ق نيوز/ جيمس ماتيس وه‌زير وه‌رين وه‌رگرى ئه‌مريكا، باس له بڕيار ده‌س له‌كاركيشانه‌وه‌ى كرد له ئداره‌ى دۆناڵد تره‌مپ سه‌رۆك ئه‌مريكى، دوياى بڕيار كيشانه‌وه‌ى هيزه‌يليان له ئه‌مريكاو جه‌خت له‌وه كرد راوناين داعش له عراق و سوريا ته‌نيا سه‌ندنه‌وه‌ى خاكه‌يل نيه.
ماتيس له ديمانه‌يگ وه‌ل CNNوت: هوير له‌وه كردم بايه‌سه مقه‌يه‌تى له نفوز بكريه‌ێد له سورياو يه‌يش له په‌يامه‌گه‌م ئاشكرا كردم ك له‌تى له‌وه‌رچه بڕيار دام واو له ئداره بارم، له‌وه‌ر ئه‌وه‌گ من باوه‌ڕ وه هيز ديرم له هاوپه‌يمان و باوه‌ڕميش يه بوێ ئه‌وه ته‌نيا هيزيگ بوێ.
ماتيش له جواو پرسياريگ له‌باره‌ى داعش ك ئايا وه ڕاسى راونرياگه تا دوباره ده‌رئه‌كه‌فێد، وت: داعش ئه‌وه نيه راوى بنه‌ێد يا ته‌نيا له‌ڕوێ جوگرافيه‌و راوێ بنريه‌ێد، به‌ڵكوو ئه‌و ريكخرياگه فكريه‌يگه‌و بايه‌سه له‌ناو بووريه‌ێد ك يه‌يش كار سه‌خت و قايمتريگه‌و وه‌خت زياتريگ له‌ليمان ئه‌خوازێد.