شه‌فه‌ق نيوز/ وه‌زاره‌ت ناوخوه‌يى عراقى هه‌ڵويست گشتى رويداگه‌يل به‌غدا و چه‌ن پاريزگايگ تر له عراق له خوه‌ينشانداينه‌يل مه‌ردمى نيشاندا.
وه‌زاره‌ته‌گه له به‌ياننامه‌يگ ئه‌را شه‌فه‌ق نيوز وت له‌وه‌ختيگ ك وه‌زاره‌ته‌گه ستايش هه‌ڵويست گه‌وراى باوگانه‌ى مه‌رجه‌ع باڵاى ئايينى ئه‌كا وه رينكايه‌يلى له وتار جومعه‌ى، جه‌خت له‌بان ئه‌وه ئه‌كا ك ده‌ستوور و ياسايه‌يل عراقى ماف خوه‌ينيشانداين ئاشتيانه داسه خوه‌ينيشانداين وه ئه‌وه‌گ مقه‌يه‌تى له گيان هاووڵاتيه‌يل بكريه‌ێد و ده‌سدريژى نه‌كريه‌ێد بان ماڵ و موڵك گشتى و تايبه‌ت، ك چه‌ن خوه‌ينيشانداينيگ له به‌غدا و پاريزگايه‌يل روێداو ئه‌خوازيم هه‌ڵويست گشتى له‌ليان ئاشكرا بكه‌يم:
1-هيزه‌يل ئه‌منى ده‌سكردنه مقه‌يه‌تيكردن خوه‌ينيشانده‌ره‌يل و شوونه‌يل خوه‌ينيسنداين وه‌گشت وه‌رپرسيارێتييگ به‌رزه‌وه‌و چه‌ك له‌تى وه‌كار ناوريا ئه‌را چويچانن خوه‌ينيشانده‌ره‌يل.
2-زه‌خمدارى فريه‌يگ له رز هيزه‌يل ئه‌منى ئه‌منى كه‌فته‌وه‌و چه‌ن كه‌سيگ له‌ليان شه‌هيد بوى له‌وه‌ر ئه‌وه‌گ بريگ مه‌ردم ئستغلال خوه‌ينيشانداينه‌يل ئاشتى كردنه وه ده‌سدريژى له‌بان هيزه‌يل ئه‌منى وه چه‌ك و نارنجه‌ك و هووكاره‌يل تر جوو ركوچگ له‌ڕى لاداين خوه‌ينيشانداينه‌گه له‌بان ريڕه‌و ئاشتيانه.
3-كه‌فتنه‌وه‌ى چه‌ن شه‌هيد و زه‌خمداريگ له ئه‌نجام روێ وه‌ڕوێ بوينه‌وه وه‌ل پاسه‌وانه‌يل دام و ده‌زگاو باره‌گايه‌يل هيزه‌يل سياسى له‌وانه‌گ تيكه‌ڵ وه‌ل خوه‌ينشنده‌ره‌يل بوين و ده‌سكردنه سزانن باره‌گايه‌يل ئه‌و هيزه‌يله.
4-حاڵه‌ته‌يل تر فريه‌يگ له ده‌سدريژى ئه‌را بان باڵه‌خانه‌يل حكومى و خوه‌ندنگاو ماڵ و موڵك گشتى و تايبه‌ت و باره‌گايه‌يل حزبى تۆمار كريا، له‌وه‌ر ئه‌وه‌يش چه‌ن فه‌رمانيگ ده‌سگيركردن دژ خراوه‌كاره‌يل ده‌ركيا وه پشتبه‌سانن وه به‌ياننامه‌ى ئه‌نجومه‌ن باڵاى دادوه‌رى وه‌گووره‌ى ماده‌ى(197)له ياساى سزايه‌يل عراقى شماره(111)ى ساڵ1969 وه‌رده‌وام ك سزايه‌يل تونيگ ديارێ كردگه دژ هه‌ركه‌سيگ ده‌سدريژى بكاده بان ماڵ و موڵك يا باڵه‌خانه‌يل گشتى يا تايبه‌ت وه به‌ژه‌وه‌ندى يا ده‌زگايه‌يل حكومى و ده‌زگايه‌يل تر گشتى.
5-ئاماژه وه ئامانجه‌يل خراوه‌كاره‌يل كريا ئه‌را بان باره‌گايه‌يل حكومه‌ت ناوه‌ندى له به‌غداى پايته‌خت وه پيچه‌وانه‌ى رينمايه‌يل ك كه‌سه‌يليگ ئه‌و خوه‌ينيشانداين ئاشتيانه ئستغلال كردنه و يه‌يش مه‌رتسى له‌لى ئه‌كه‌فێده‌و وه‌رانوه‌ر ره‌مزه‌يل ده‌وڵه‌ت و سيسته‌م گشتى ك له به‌رژه‌وه‌ندى هاووڵاتيه‌يل و ئاسايشيانه.