شەفەق نیوز/ پولیس نەینەوا، ئمڕوو دووشەممە، توومەتبارەیل وە کوشتن رانندەی پاس (کۆستەر) لە گەڕەک تەئمیم خوەرهەڵات شار موسڵ دەسگیر کرد.

سەرچەوەیگ لە پولیس ئەرا ئاژانس شەفەق نیوز وت: لێکۆڵینەوەی سەرتایی نشان دا کە تاوانەگە ئەرا تووڵەسەنین هووزانەی بوی، و شیوەی تاوانی دیرێد، و دیاری کرد کە پولیس توومەتبارەیل وە تاوانەگە دەسگیر کرد.

رووژ سێشەممەی گوزەشتە، لەبان سۆشیال میدیا پارچە ڤیدیۆیەییگ بڵاو بوی، نشان دەێد دوو کەس وە کووڵ ماتۆرسکیڵ تەقە لە رانندەی کۆستەریگ کەن.

دەسەڵاتەیل دادوەری هوشداری لە بڵاوکردن ئیجویرە ڤیدیۆیەیلیگ لەبان سۆشیال میدیا کردن، و باس دزەکردن پارچە ڤیدیۆی تاوانەیل کاریگەری نەرێنی لەبان لێکۆڵینەوە دیرێد، و رخیگ خەێدە ناو مەردم.

دەسەڵاتەیل دادوەری لە بەیاننامەیگ رەسیە ئاژانس شەفەق نیوز دڵنیای خەڵک موسڵ کرد، کە شارەگە ئارامە و لەناو ئەو پارێزگایەیلە نریەێد کە هانە نوا لە لستەیل ئاسایش لە عراق، وتنیش؛ تاوان لە گشت دەوڵەتەیل جەهان هەر بوود، و بەشیگە لەو سەختیەیلە لەڕوی شارەیل.