شەفەق نیوز- بەغداد

سەرکردایەتی پولیس بەغداد/ رەسافە، ئمڕوو یەکشەممە، خەوەر دا لە دەسگیرکردن دوو خوەشک کە وە بەشداری وەگەرد داڵگیان لە ساڵ گوزەشتە باوگیان کوشتنە.

 پولیس لە بەیاننامەیگ رەسیە ئاژانس شەفەق نیوز، دیاری کرد کە دۊای ئەوەگ توومەتبار (ل. ع) دەسگیر کریا کە چگە ژیر تاوان کوشتن شۊەگەی کە قوربانییەگەس (م. ع. ز) لە رووژ 22 کانوون یەکەم 2025، و قۊلەوبۊن لە لێکۆڵینەوە وەگەرد توومەتبارەگە، چگە ژیر ئەوە کە تاوانەگە وە دەسمیەتی هەردوگ دۊتەی جیوەجی کردگە.

دیاری کرد کە فەرمان دەسگیرکردن هەر یەک لە (ب و (ح) دۊتەیل قوربانییەگە دەرچگە وەپای بڕگەیل مادەی 406 یاسایی عراقی، لەوەر ئەوەگ وەگەرد داڵگیان کە توومەتبار دەسوەسەرکریاگەگەی بانە بەشداری کردنە لە بیهووشکردن قوربانییەگە وە مادەیگ خوەراکی و رشانن نەفت وەبانی و سزاننی لەوەخت خەفتنی و لە ئەنجامی گیان لەدەس داگە.

سەرکردایەتی پولیس هەمیش وت کە هەردوگ دۊتەگە خریانەسە ناو دەسوەسەری لە بنکەیگ پولیس ئەرا تەواوکردن رێکارەیل یاسایی.