شەفەق نیوز/ سەرچەوەیگ خۆجێیی لە پارێزگای دیالە، ئمڕوو سێشەممە، خەوەردا ک دوو مەدەنی کوشیان و دووانتر زەخمداربوین، لە ململانەیگ دەربارەی دروسکردن یاریگایگ لە ناحیەی سەعدیە.

سەرچەوەگە باس لە ووردەکاریەیل رووداوەگە ئەرا ئاژانس شەفەق نیوز کرد، وت: وەرجەیە، کەسیگ خوازێد یاریگایگ لەەورگرد ناحیەی سەعدیە بکەێد، و لەلایەن خەڵکەگە وەفەرمی قەیەغەی کریا، ئمڕوو دووارە هەوڵدا دەس بکەێدە یاریگاگە، و مرافەیگ هووزانە کەفتە ناونی خەڵکەگە و بوبە هووکار زەخمداربوین سەختیگ ئەرا خاوەن پڕۆژەی یاریگاگە.

سەرچەوەگە وتیش: کەسوکارەیل زەخمدارەگە تەقە لەو لایەنەگە کردن، و دوو کەس لەلیان کوشتن و سێیەمیان زەخمدار کردن، و هێزیگ ئەمنی رەسیە شوون رووداوەگە تا کپیەو بکەێد، و ئاماژە کرد ک تەرم دوو قوربانیەگە وەرەو پزشک دادوەری بریان، و زەخمدارەگان ئەرا خەسەخانە رەوانە کریان، و لێکۆڵینەوەیگ ئەرا ئاشکراکردن هووکارەبل رووداوەگە کریاوە.