شەفەق نیوز/ بەغداد شەوەکی وەبان دوو رویداو جیاواز لە دوو ناوچەی جیاواز کرد، کە یەکیگیان کوشیان کەسیگە وە چەقوو، رویداو دویەم دراوردن دراوردن تەرم ژنیگ سی ساڵانە لەناو جو ئاویگ لە دەوروگەرد پایتەخت.

سەرچەوەیگ لە پۆلیس لەباوەت رویداو یەکەم وت، مەرافیگ کە هووکارەگەی نەزانریاگە لەناوەین چەن کەسیگ دروس بویە  و رەسیە ئەرا واکارهاوردن چەک لەناوچەی "سلێخ"  باکوور بەغداد.

وتیش؛  لە ئەنجام رویداوەگە کەسیگ لە لایەنەیل مەرافەگە کوشیایە و هێزەیل ئەمنی دو کەس کە هووکار مەرافەگە بوینە دەسگیرکردن، مینەی یەکیگ ترەک کەن کە وایە ئەرا شوین نادیاریگ.

لە دویەم رویداو هەمان  سەرچاوە دیاریکرد، تەرم ژنیگ نزیک 30 ساڵان لەناو یەکیگ لە جو ئاوەیل ناحیەی نەهروان خوەرهەڵات بەغداد دراوریایە.

ئاشکرایکرد، نیشانەی زەبر دەرەکی لەقێ تەرمەگەی نییە، دیاریکرد، تەرمەگەی ئەرا پزیشک دادوەری کلکریاس تا هووکار رویداوەگە بزانرێد.