شەفەق نیوز/ دوو تەقیتەوە، ئمڕوو سێشەممە، دوکانیگ مەی فرووشتن لەناوڕاس بەغداد پایتەخت کردنە ئامانج.
سەرچەوەیگ ئەمنی خەوەردا ئاژانس شەفەق نیوز ک ڕووداوەگە وە دوو بومب بویەو، یەکەمەگە دژوە دوکانیگ لەناوچەی سەعدون جادەی نزال، و دوویەمەگە دژوە ماشین خاوەن دوکانەگە لە خود شوونەگە.
وتیش: رووداوەگە بویە هووکار کوشتن کارمەنیگ، وزەخمداربوین یەکیگ تر، و هەمیش زەرەدەیلیگ لەروی دوکانەگە.