شەفەق نیوز/ سەرچەوەیگ ئەمنی وەرپرس، ئمڕوو چوارشەممە، خەوەردا لە کوشتن کەسیگ، و پەیاکردن تەرمیگ شوون چەقو هالە لەشی، لە دوو رووداو جیاجیا لە دوو ناوچەی بەغداد پایتەخت.
وەگورەی قسەی سەرچەوەگە ئەرا ئاژانس شەفەق نیوز وت؛ لەوەر مرافەیگ لەناونی چەن کەسیگ ک رەسیە دەوانچەکاری لە ناوچەی عوبەیدی لە خوەرهەڵات بەغداد، یەک کەس کوشیا.
سەرچەوەگە باس پەیاکردن تەرم پیاویگ نەناسریاگ کرد لە یەکیگ لە مەیدانە خوەڵییە چووڵەیل لەناوچەی حسێنیە فڕە دریاگە، و دیاری کرد ک نشانەیل چەقو لە تەرمەگە بوی.