شەفەق نیوز/ فەرماندەی ئۆپراسیۆنەیل هاوبەش، ئمڕوو سێشەممە، کوشیان (ئەبو عومەر قورەيشي) والي سەڵاحەدین لەلای ریخریاگ داعش تیرۆرست راگەیان.

لە بەیاننامەیگ رەسیە ئاژانس شەفەق نیوز وت: لە پشت بەیاننامەیگ لە ئەنجام گورزەیل ئاسمانی دویەکە لە ناوچەی عیس لە کەرت سەڵاحەدین کە حەشارگەی مەفرەزەیگ تیرۆرست کردە ئامانج، هیزیگ لە ساعەت 500 لە رووژ سێشەممە، وەلایەن پاڵەوانەیل فەرماندەیی ئۆپراسیۆنەیل سەڵاحەدین و کەتیبەی ڕوانگە و مەفرەزەیل هەواڵگری سەربازی وە فەرماندەیی و سەرپەرشتیاری فەرماندەی ئۆپراسیۆنەیل وەشکین و نووڕین شوین ئامانجەگە، ٤ تەرم تیرۆریستەیل داعش پەیا کریا وە تەواوی دڕیانە، لە ئەنجام گورزەیل ئاسمانی، لەناو تەرم تیرۆریست (ئەبو عومەر قورەيشي) بوی کە والی سەڵاحەدین بویە لەلای داعش.

بەیاننامەگە وتیش: هەمیشە ٤ پشتین بومبی، و بڕیگ چەک جویراجویر، و دوربین شەوانە، و بڕ فرەیگ لە نارنجەیل دەسی، و کەرەستەیل هونەری لەلییان ٨ مۆبایل و بڕیگ کەرەستەی لۆجیکی و ئیداری هن مەفرەزە تیرۆریەگە کە لەی ئۆپراسیۆنە کوشیاس.

هەرلیوا، مەوقەی مینەکردن و وەشکین، هیزەگە حەشارگەیگ ترەک ئەرا تیرۆریستەیل پەیا کرد، و کەرتەیل ئەمنی وە تەواوی ویرانی کردن، و هیمان ئۆپراسیۆنەگە وەردەوامە.