شەفەق نیوز/ سەرچەوەیگ لە هاتوچو پارێزگای کەرکوک، ئمڕوو چوارشەممە، خەوەردا لە کوشیان وەڕیەوبەر وەرگری شارستانی لە قەزای شرقات لە ئەنجام رویداویگ هاتوچو لەبان ری سەڵاحەدین - کەرکوک، و زەخمداری سێ کەس ترەک.
سەرچەوەگە ئەرا ئاژانس شەفەق نیوز وت: رویداویگ هاتوچو کەفتە ناوەین دوو ماشین یەکەمەگە فۆرویل بوی وەڕیەوبەر وەرگری ئاسمانی لە شرقات موقەدەم مەعاد یوسف لەناوی بویە، و ئەوەکە مارکەی بی ئەم دەبڵیوو هن یەکیگ خەڵک قەزای زڵوعیە.
سەرچەوەگە دیاری کرد کە رویداوەگە بویە هوکار زەخمداری سێ کەس، و شوین رویداوەگە کەفێدە بان ری سەرەکی ناوەین کەرکوک و تکریت لە ناوچەی کویەیل حەمرین وەرەو ناحیەی رەشاد خوەرئاوای کەرکوک.
سەرچەوەگە وتیش: پولیس رەسیە شوین رویداوەگە و تەرمەگە ئەرا پزشک دادوەری کلکرد، و زەخمدارەیل ئەرا خەسەخانەی کەرکوک.