شەفەق نیوز/ سەرچەوەیگ ئەمنی، ئمڕوو چوارشەممە، خەوەردا لە کوشیان دوو کەس وە رویداویگ هاتوچو دڵتەزن لە بەغدای پایتەخت.
سەرچەوەگە ئەرا ئاژانس شەفەق نیوز وت: کوڕیگ ناخاڵە لەداڵگبوی ساڵ ٢٠١٠ و مناڵیگ لە داڵگبوی ساڵ ٢٠١٧ وە کووڵ ماتووڕسکڵیگ (توک توک) گیانیان لەدەسدان لە ئەنجام رویداویگ هاتوچو، وەگەرد ماشینیگ مەدەنی لە ناوچەی ئومولکەبر و غزلان.
سەرچەوەگە وتیش: هیزیگ ئەمنی رەسیە شوین رویداوەگە و دوو تەرمەگە ئەرا پزشک دادوەری کلکرد.