شەفەق نیوز/ سەرچەوەیگ ئەمنی لە پارێزگای میسان، ئمڕوو سێشەممە، خەوەردا لە کوشیان و زەخمداربوین ١٠ کەس وە رووداوەیلیگ لەماوەی ٢٤ ساعەت گوزەیشتە.
سەرچەوەگە ئەرا ئاژانس شەفەق نیوز وت: دەزگا ئەمنیەکان ٨ رووداو هاتووچگن وە ماتۆڕسکڵ لەماوەی ٢٤ ساعەت گوزەیشتە تۆمار کردن ک بوینە هووکار کوشیان یەک کەس و زەخمداربوین ٧ کەس تر.
سەرچەوەگە وتیش؛ دوو گەنج لەناو چەم دیجلە لە ناوڕاس پارێزگاگە خنکیان، و دەزگا ئەمنیەکان تا ئیسە مینەی تەرمەیلیان کەن.