شەفەق نیوز - نینەوا
مردن و زەخمداری نۆ کەس ترەک کە ناویان ئەندامەیل لە پۆلیس فیدراڵی هەس، ئمڕوو پەنجشەممە، لە ئەنجام رویداویگ هاتوچو رخدار کە لە نزیک دەروازەی شام لە خوەرئاوای شار موسڵ لە پارێزگای نینەوا.
سەرچەوەیل ناوخوەیی و ئەمنی ئەرا ئاژانس شەفەق نیوز راگەیان رویداوەگە لە ئەنجام لەیەکەوداین سەختیگ لەناوەین دو ماشین مەدەنی و ماشینیگ پۆلیس فیدڕاڵی بویە، کە بویە مدوو پلیان یەکیگ لەلیان لەبان ری و کەفتن قوربانی و زەخمداری لە ناو سەرنشینەیل.
دەستوەجی لە دویای رویدان رویداوەگە، مەفرەزەیل فریاکەفتن و ئامێرەیل ئەمنی ئەرا شوونەگە وەڕیکەفتن، کە زەخمدارەیل ئەرا خەستەخانەی نزیک کلکریان ئەرا وەرگردن دەرمان و چەودێری تەندروسی دەسوەجی، لە وەختیگ تەرم کووچکردگ ئەرا وەڕێوەبەرایەتی پزیشک دادوەری کلکریا ئەرا تەواوکردن رێکارەیل یاسایی، لە هەمان وەخت پۆلیس هاتوچوی لێکۆڵینەوەیگ فەرمی لە رویداوەگە واز کرد ئەرا زانین چوینیەتی و مدووەیلی.