شەفەق نیوز- سەڵاحەدین
سەرچەوەیگ پزیشکی، ئمڕوو جمعە، خەوەردا کە رۊداویگ هاتوچو ناوەین دوو ماشین لەبان ری هەردوگ شار تکریت و سامەڕا لە پارێزگای سەڵاحەدین رۊ داگە، و بۊە مدوو کوشیان مەدەنییگ و زەخمداربۊن 6 کەس ترەک وە زەخمەیل جیاواز.
سەرچەوەگە ئەرا ئاژانس شەفەق نیوز وت، کە "رۊداوەگە لە ئەنجام پیاکیشانیگ راسەوخۆ ناوەین دوو ماشین رۊ دا مەوقەی چگنیان لەبان ری تکریت – سامەڕا، کە بۊە مدوو کوشیان یەکیگ لە مەدەنییەیل لە شوین رۊداوەگە وە مدوو ئەو زەخمە سەختەیلە کە تویشیان هاتۊد، لە وەختیگ 6 کەس ترەک زەخمدار بۊن وە زەخمەیلیگ کە ناوەین ناوەنجی و رخداری بۊ".
هەمیش وت کە "تیمەیل فریاگوزاری و وەرگری شارستانی دەسوەجێ دۊای وەرگردن خەوەرەگە وەرەو شوین رۊداوەگە پەلە کردن، کە لەورا کار کردن ئەرا هەڵگردن زەخمدارەیل و بردنیان ئەرا یەکیگ لە خەسەخانە نزیکەیل ئەرا وەرگردن چارەسەری هەوەجەدار، لە وەختیگ تەرم قوربانییەگە بریا ئەرا فەرمانگەی پزیشک دادوەری ئەرا تەواوکردن ریکارە یاساییەیل".
سەرچەوەگە دەسنشان ئەرا ئەوە کرد، کە هیزەیل ئەمنی بەشیگ لە ریەە وە وەختانە بەسان ئەرا رێکخستن جۊلەی هاتوچو و هەڵگردن هەردوگ ماشینە زەرەدمەنەگە، لە وەختیگ لایەنە پەیوەندیدارەیل دەس کردنە لێکۆڵینەوەیگ ئەرا زانستن مدووەیل رۊداوەگە، لەناو مەزەنەیل سەرەتایی کە دەسنشان ئەرا ئەوە کەن تیژی و بی ئاگایی شایەت لەناو ئەو هوکارەیلە بوون کە بۊنەسە مدوو رۊداینی.