شەفەق نیوز/ سەرچەوەیگ ئەمنی، ئمڕوو شەممە، خەوەردا لە کوشیان و زەخمداری چوار کەس لە مرافەیگ هووزانە لە باشوور پارێزگای نەجەف.
سەرچەوەگە ئەرا ئاژانس شەفەق نیوز وت: مرافەیگ هووزانە لە ناوچەی جبوور لە قەزای مەنازرە باشوور شار نەجەف قومیا، لەناوی چەک سووک و ناوڕاس وەکار هاوریا، ئەوەیش لەبان ناکۆکیێگ لە فرووشتن و سەنین زەوی کشتوکاڵی لە ناوچەگە.
سەرچەوەگە وتیش: مرافەگە بویە هووکار کوشیان دوو کەس و زەخمداری ٢ کەس، رەسیانە خەسخانە و زەخمیان سەختە، ئمجا دەسەڵاتەیل ئەمنی مرافەگە کپەو کردن.