شەفەق نیوز/ سەرچەوەیگ ئەمنی لە پارێزگای نەجەف، ئمڕوو سێشەممە، خەوەردا ک مرافەی ئاساییگ رەسیەس وەکارهاوردن چەک ک قوربانی و شماریگ زەخمداری لەلی کەفتەو لە ناوراس پارێزگاگە.

سەرچەوەگە وە ئاژانس شەفەق نیوز وت، " مەرافی ئاسانیگ رەسیە وەکارهاوردن چەک لە گەرەک "مەیسەم تەیار" لەناوڕاس شار نەجەف، چەک سوک و مامناوەند لەلی وەکارهاوریاس.

وتیش، " لە ئەنجام مەرافەگە یەکیگ کوشیا سێ کەس زەخمدارە ک بارودۆخ یەگیگیان مەترسیدارە"، وتیش" هوکار سەرهەڵدان مەرافەگە تا ئیسە دیار نییە، دەزگایەیل ئەمنی ئاخڵەی شوین رویداوەگە دانە و لێکۆڵینەوە لەلی وازکردنە.