شەفەق نیوز/ کەسەیلیگ نەناسریاگ، ئمڕوو پەنجشەممە، پەلامار کۆنگرەیگ هەڵبژاردن لە بێجی دان.
سەرچەوەیگ ئەمنی ئەرا ئاژانس شەفەق نیوز وت: کەسەیلیگ نەناسریاگ پەلامار کۆنگرەی هەڵبژاردن ئەرا کاندید عەبدوڕەحمان بەردی لە بێجی دان، وئەوەش هەنای بومبیگ دەنگی لە پشت دیوارەگە وەشانن.
سەرچەوەگە وتیش: بومبەگە ئەرا کاندیدەگە وەشیا لە مەوقەی وتارەگە، باوجی کەفتە بان خانی ماڵیگ هالە ژیر بیناکردن لەو نزیکە.
وتیش: تەقینەوەگە بۊیە هووکار کوشیان مناڵیگ و زەخمداری ٥ مناڵ تر ک لە مەوقەی کەفتن بومبەگە لەبان خانیەگە بۊینە.